Spika Mstaafu wa Bunge la Jamhuri ya Muungano wa Tanzania Mhe. Anne Makinda amemefanya mahojiano maalumu na wajumbe wa Timu kuu ya Uandishi wa Dira na kutoa maoni yake kuhusu mchakato wa Kuiandaa Dira 2050 na kusisitizia juu ya kuheshimu muda Pamoja na kuheshimu sheria zinazotungwa na zisimamiwe kikamilifu ili kujenga Tanzania iliyobora na yenye misingi ya Kitaifa na Maendeleo.
Spika wa Baraza la Wawakilishi Zanzibar Mhe. Zuberi Ali Maulid amekutana na Timu kuu ya Uandishi wa Dira iliyoongozwa na Naibu Katibu Mtendaji Tume ya Mipango Dkt. Mursali Milanzi ikiwa ni muendelezo wa zoezi la ukusanyaji maoni kutoka kwa viongozi wa kitaifa kuelekea kufanikisha uandaaji wa Dira ya Taifa 2050. Zoezi hilo lilifanyika katika kumbi za Baraza la Wawakilishi Chukwani Mkoa wa Mjini Magharibi Unguja Zanzibar.
Menejimenti ya Ofisi ya Rais Mipango na Uwekezaji na Taasisi zilizo chini ya Ofisi hiyo kwa pamoja na Timu kuu ya uandishi wa Dira ya Taifa 2050 zimekutana na Waziri Mhe. Prof. Kitila Mkumbo (Mb.) kwaajili ya kupitia na kupokea maoni ya kuboresha rasimu ya kwanza ya Dira ya Taifa 2050. Kikao hicho kimefanyika leo Septemba 19, 2024 katika Ofisi za Waziri Mkuu, Magogoni Jijini Dar es Salaam.
UNICEF na Serikali Wakusanya Maoni ya Watoto 14,000 Nchi Nzima kwa Maandalizi ya Dira ya Maendeleo 2050 – Waziri Dr. Dorothy Gwajima Aeleza Umuhimu wa Maono ya Watoto Katika Mustakabali wa Taifa. Katika hafla iliyohudhuriwa na Mheshimiwa Waziri, Dr. Dorothy Gwajima, aliyeeleza kuwa watoto wanayo nafasi muhimu katika kuunda mustakabali wa Tanzania, kwani asilimia kubwa ya kundi hilo ndilo litaloishi Dira ya Maendeleo 2050. Zoezi hilo la ukusanyaji wa maoni liliendeshwa kwa ushirikiano wa UNICEF, Wizara ya Maendeleo ya Jamii, Jinsia, Watoto na Makundi Maalum, pamoja na Ofisi ya Raisi Tume ya Mipango, ambapo maoni ya watoto 14,000 yalikusanywa kutoka mikoa yote nchini. Kaimu Katibu Mtendaji wa Tume ya Mipango, Dkt. Mursali Milanzi, alieleza kuwa matokeo ya zoezi hilo yameanza kuchakatwa na yatahusishwa kwenye maandalizi ya Dira ya Maendeleo 2050 na nyenzo zake za utekelezaji.
Waziri Mkuu wa Jamhuri ya Muungano wa Tanzania Mhe. Kasim Majaliwa Majaliwa akizindua taarifa za maboresho ya mazingira ya uwekezaji na biashara na Nyenzo za uwekezaji Nchini, hafla hii imefanyika katika ukumbi wa Mlimani City Jijini Dar es salaam leo tarehe 11 Agosti, 2024 na kuhudhuliwa na wadau mbali mbali wa uwekezaji nchini. Hafla hiyo imeambatana na sherehe za kutimiza mwaka mmoja tangu Mhe. Dkt. Samia Suluhu Hassan Rais wa Jamhuri ya Muungano wa Tanzania alipo iunda Ofisi ya Rais Mipango na Uwekezaji iliyo hudhuliwa na viongozi mbali mbali wa kitaifa na Taasisi zilizo chini ya Ofisi hiyo.
Naibu Katibu Mtendaji - Utendaji, Ufuatiliaji na Tathmini Dkt Linda Ezekiel wakati wa Indonesia - Afrika Forum alikutana na kufanya mazungumzo na Naibu Waziri anayeshughulikia masuala ya uchumi na Kiongozi wa Timu ya Dira ya Indonesia 2045 kutoka Wizara ya Maendeleo ya Mipango ya Kitaifa, Dkt. Amalia Adininggar Widyasanti, ST, M.Si, M.Eng. Mazungumzo yalifanyika pembezoni mwa Indonesia - Afrika Forum siku ya Tarehe 2 Sept. 2024, Lengo kuu la mazungumzo hayo ilikuwa kujenga msingi wa kuanzisha ushirikino kati ya Ofisi ya Rais - Tume ya Mipango na Wizara ya Mipango ya Maendeleo ya Kitaifa wa Indonesia ambayo inatekeleza majukumu yake kama Tume ya Mipango; kupata uzoefu wa namna Indonesia ilivyoweza kupanga na kusimamia kikamifu mageuzi makubwa ya kiuchumi, mipango ya kitaifa, maendeleo ya watu; kuweka mazingira mazuri ya zoezi la country benchmarking kwa kuwa Indonesia ni moja nchi zilizochaguliwa kujifunza kwenye mchakato wa maandalizi ya Dira 2050.
Mkutano wa kukusanya maoni ya Dira ya Taifa 2050 kutoka kwa wenyeviti wa kamati za kudumu za Baraza la Wawakilishi Zanzibar kuhusu Dira ya Taifa 2050 katika Ukumbi wa mikutano, jengo la Mamlaka ya Maji Zanzibar (ZAWA), Maisara ZANZIBAR, leo Agosti 30, 2024 Mgeni rasmi alikuwa Naibu Waziri wa Nchi, Ofisi ya Rais, Mipango na Uwekezaji, Mhe. Stanslaus Nyongo.
Makamu wa Pili wa Rais wa Zanzibar, Mhe. Hemed Suleiman Abdulla, amewataka Watanzania wote kushiriki kikamilifu katika zoezi la utoaji maoni kwa ajili ya kupata maudhui ya kutumika kuandika Dira ya Taifa 2050.
Ametoa rai hiyo leo Agosti 28, 2024, ofisini kwake Mjini Magharibi wakati akiongea na wajumbe wa Tume ya Mipango na Timu Kuu ya Kitaalamu ya Dira ya Taifa 2050 iliyoongozwa na mjumbe wa Tume ya Mipango na Mwenyekiti wa Timu hiyo, Dkt. Asha Rose Migiro.
Vile vile amehimiza ulazima wa kila Mtanzania kuhakikisha anadumisha amani na utulivu ili mipango ya maendeleo ya Dira 2050 iweze kutekelezwa kikamilifu.
Katibu Mtendaji wa Tume ya Mipango Ndg. Lawrence Mafuru akiongoza Kongamano la kwanza la kikanda lililo wakutanisha Wananchi na Wadau mbali mbali wa maendeleo katika kuchangia maoni yao kuhusu Maandalizi ya Dira ya Taifa ya Maendeleo 2050 lililo husisha Mkoa wa Mwanza, Geita, Shinyanga, Kagera, Simiyu na Mara.
Naibu Waziri Mkuu wa Jamhuri ya Muungano wa Tanzania Mhe. Dkt. Dotto Biteko akifungua Kongamano la kwanza la Kikanda kuhusu Maandalizi ya Dira ya Taifa ya Maendeleo 2050 Leo tarehe 20 July, 2024, jijini Mwanza.
