Rais wa Zanzibar na Mwenyekiti wa Baraza la Mapinduzi la Zanzibar Mhe.Dkt. Hussein Ali Mwinyi, leo amekutana na kutoa maoni yake kwa Timu Kuu ya Uandishi wa Dira ya Maendeleo ya Taifa 2050, Ikulu Zanzibar.

Pamoja na mambo mengine, Mhe. Dkt. Mwinyi amesisitiza suala la amani na utulivu kupewa kipaumbele kwa kuwa ndiyo msingi wa maendeleo.

Awali, Katibu Mkuu wa Ofisi ya Rais, Mipango na Uwekezaji, Dkt. Tausi Mbaga Kida, aliyeongoza timu hiyo, alitoa taarifa kwa Mhe. Rais wa Zanzibar kuhusu mwenendo wa mchakato wa Uandishi wa Dira ya Maendeleo ya Taifa 2050 tangu ulipoanza hadi kufikia sasa ambapo rasimu ya kwanza imekamilika.

Aidha, mahojiano baina ya Mhe. Dkt. Mwinyi yameongozwa na Mhe. Balozi Dkt. Asha Rose Migiro, ambaye ni Mwenyekiti wa Timu Mkuu ya Uandishi wa Dira ya Maendeleo ya Taifa 2050.