Lengo

Kutoa huduma za ushauri kwa Afisa Masuuli kuhusu utekelezaji wa mfumo wa udhibiti wa ndani.

Kitengo kitatekeleza majukumu yafuatayo:

1. Kuandaa na kutekeleza mipango ya ukaguzi ya mwaka na ukaguzi wa kimkakati wa vihatarishi,
2. Kupitia na kutoa ripoti ya udhibiti wa stakabadhi, utunzaji na matumizi ya rasilimali fedha zote  za Tume;
3. Kupitia na kutoa ripoti ya kuzingatia taratibu za kifedha na uendeshaji zilizowekwa katika sheria au kanuni au maelekezo yoyote ya udhibiti wa matumizi;
4. Kuandaa taratibu za ukaguzi ili kuendana utekelezaji wa viwango vya kimataifa;
5. Kupitia na kuripoti kuhusu usahihi wa taarifa za fedha na uendeshaji zilizotumika wakati wa uandaaji wa taarifa za fedha na ripoti zingine;
6. Kupitia na kuripoti kuhusu mifumo inayotumika kulinda mali, na kuthibitisha uwepo wa mali hizo;
7. Kupitia na kuripoti kuhusu shughuli au programu ili kuthibitisha iwapo matokeo yanaendana na malengo yaliyowekwa;
8. Kupitia na kutoa ripoti ya hatua zilizochukuliwa na  uongozi kuhusiana na ripoti za Ukaguzi wa Ndani na Nje, na kuusaidia uongozi katika utekelezaji wa mapendekezo; na
9. Kupitia na kutoa ripoti ya mapungufu ya udhibiti katika mifumo ya kompyuta.

Kitengo hiki kitaongozwa na Mkaguzi Mkuu wa Ndani.