Lengo
Kuhakikisha matumizi bora na yenye ufanisi ya rasilimali za taifa kwa maendeleo.

Majukumu
Majukumu ya Ofisi hii ni kama ifuatavyo: 

1. Kutathmini hali ya rasilimali za taifa na kuishauri Serikali kuhusu matumizi bora ya rasilimali hizo;
2. Kufuatilia na kutathmini utekelezaji wa mipango ya taifa;
3. Kufuatilia na kutathmini miradi ya kielelezo na kupima utekelezaji wa miradi hiyo;
4. Kuchanganua na kuthibitisha taarifa za utekelezaji kutoka Taasisi na Mashirika ya Umma yanayotekeleza miradi;
5. Kufanya ufuatiliaji na tathmini ya mara kwa mara ya utekelezaji na kuandaa taarifa za utekelezaji;
6. Kufuatilia na kutathmini utekelezaji wa Mpango Mkakati wa Muda wa Kati wa Wizara, Mipango ya Mwaka na Programu mbalimbali;
7. Kuandaa utaratibu wenye ufanisi na jumuishi wa taifa wa ufuatiliaji na tathmini;
8. Kupendekeza maeneo ya kuendeleza miradi ya vielelezo na programu kwa ajili ya utekelezaji wake kulingana na dira na mikakati ya maendeleo ya taifa;
9. Kuratibu utambuzi wa NKRA;
10. Kuratibu utekelezaji wa programu za NKRA;
11. Kufuatilia utekelezaji wa Maeneo Muhimu ya Matokeo ya Kitaifa ya sekta mbalimbali za uchumi; 
12. Kutoa taarifa za utekelezaji wa programu na miradi ya NKRA.

Ofisi hii itaongozwa na Naibu Katibu Mtendaji na itaundwa na Idara mbili (2) kama ifuatavyo:

1. Idara ya Maeneo Muhimu ya Matokeo ya Kitaifa; na
2. Idara ya Ufuatiliaji wa Utendaji na Tathmini.