Lengo

Kutoa huduma za utaalamu na usaidizi Ofisini katika masuala ya biashara, uvumbuzi, maendeleo na uhusishaji wa sekta binafsi.

Majukumu ya Ofisi hii ni kama ifuatavyo: -

1. Kusimamia maendeleo ya ubunifu katika sayansi na teknolojia nchini;
2. Kusimamia mbinu za ubunifu katika mipango ya maendeleo na utekelezaji;
3. Kusimamia shughuli za utafiti wa jambo lolote ambalo Tume inaona ni muhimu kwa manufaa ya kiuchumi;
4. Kutoa mwongozo wa uhusiano wa kiuchumi na nchi nyingine na mashirika ya kimataifa;
5. Kuchanganua hali ya nchi katika biashara ya kimataifa na kushauri kuhusu sera na mikakati inayofaa kukuza biashara ya nje;
6. Kushauri juu ya mikataba ya biashara ya nchi mbili na ya kimataifa; na
7. Kuwezesha ushiriki wa sekta binafsi katika kusaidia mipango ya maendeleo na utekelezaji.

Ofisi hii itaongozwa na Naibu Katibu Mtendaji na itaundwa na Idara mbili (2) kama ifuatavyo:

1. Idara ya Ubunifu, Tafiti na Maendeleo; na
2. Idara ya Ushirikishwaji wa Sekta Binafsi na Biashara.