Ujumbe wa Chama cha Umoja wa Mataifa Tanzania (UNA) umekutana na Watumishi wa Tume ya Mipango katika ofisi za Tume, Mtumba jijini Dodoma leo 08 Machi, 2024 na kujadili mashirikiano katika kuitangaza Dira ya Taifa ya Maendeleo 2050. Katika mkutano huo, walijadili jinsi ya kuratibu shughuli za ukusanyaji maoni kupitia makongamano na makundi mbalimbali ya kijamii yanayosimamiwa na Asasi za Kiraia (CSOs) nchini.

Pamoja na hayo, ujumbe huo uliomba ushirikiano wa karibu na Tume ya Mipango katika Kongamano la "Summit of the Future" ambalo hufanyika kila mwaka. Aidha, ujumbe huo ulileta salamu za Ibrahim Bakari Mwenda, Mkurugenzi Mtendaji wa UNA Tanzania.